KOMUNIKADO DI PRENSA
No. 2015/011

 


 

Selikor NV
Fecha: 9 di òktober 2015

Tópiko: Selikor ta pidi atenshon pa retraso den rekohementu di shushi di kas
Telefon: 434-1349/Faks: 465-6964
Mail: info@selikor.com

wèpsait: www.selikor.com


 

Selikor ta pidi atenshon pa retraso den rekohementu di shushi di kas

 

Últimamente Selikor ta eksperensiando algun retraso den su skema di rekohé shushi di kas. Selikor ta hasiendo su máksimo esfuerso pa no laga ningun bario keda ku nan shushi. Djasabra 10 di òktober, un dia liber ofishal, e personal lo traha i ta nesesario lo traha djadumingu 11 di òktober tambe pa kaba ku e retraso ku tin.

 

Pa fin di e siman aki Selikor lo pasa rekohé tur shushi den tur bario kisas no riba e mesun dia kustumbrá pero si den e mesun siman.

 

Klientenan ku tuma nota ku Selikor a pasa den nan bario pero no a bai ku nan shushi por tuma kontakto ku nos departamentu di Servisio na Kliente na 46-limpi, 465-4674.

 

Selikor ta pidi su diskulpa pa eventual inkonbeniensia ku e retraso aki por trese kuné i ta pidi su klientenan indulgensia pa e situashon ku a surgi.