KOMUNIKADO DI PRENSA
No. 2024/008
Selikor NV
Fecha: 9 di aprel 2024
Tópiko: Desaroyo despues di kandela riba lèntfel Malpais
Telefon: 434-1349/Faks: 465-6964
wèpsait: www.selikor.com
Desaroyo despues di kandela riba lèntfel Malpais
Despues di e kandela ku a surgi djaweps anochi na parti sùit di lèntfel, Selikor ta informá ku entretantu a logra dominá e kandela i minimalisá eventual molèster di huma den e área.
Entrante awe, 9 di aprel, e situashon riba lèntfel práktikamente ta normalisá. Usuarionan di lèntfel ta keda dirigí riba instrukshon di personal di Selikor pa depositá nan shushi di un forma sigur i responsabel.
Selikor ta yama danki na usuarionan di lèntfel, habitantenan i establesimentunan den e área pa nan komprenshon pa eventual molèster ku e huma por a okashoná.
KOMUNIKADO DI PRENSA
No. 2024/005
Selikor NV
Fecha: 21 di mart 2024
Tópiko: Trabounan di limpiesa rondó di área Julianabrug
Telefon: 434-1349/Faks: 465-6964
wèpsait: www.selikor.com
Trabounan di limpiesa rondó di área Julianabrug
Den kuadro di kontinuashon di trabounan di limpiesa, Selikor ta informá ku durante e fin di siman binidero e trabounan lo konsentrá den área di Panama / Altagracia de Lanooi BLVD i Arubastraat.
Tuma nota di e áreanan ku lo ta será riba e siguiente dia i orario:
Djasabra 23 mart 2024:
Área di Panama / Altagracia de Lanooi BLVD di 8or di mainta te ku 12or di mèrdia.
Djadumingu 24 mart 2024:
Arubastraat di 8or di mainta pa 4or di atardi.
Relashoná ku esaki habitantenan i outomobilistanan por eksperenshá ku mester desviá for di ruta.
Selikor ta pidi pa duna espasio na e tim di limpiesa pa nan por hasi nan trabou di forma optimal. Tene kuenta ku e reglanan di tráfiko i e instrukshonnan indiká durante e orario ku e trabounan di limpiesa ta tuma lugá.
KOMUNIKADO DI PRENSA
No. 2024/004
Selikor NV
Fecha: 15 di mart 2024
Tópiko: Selikor NV tratando pa minimalisá retraso den rekohementu di shushi di kas
Telefon: 434-1349/Faks: 465-6964
wèpsait: www.selikor.com
Selikor NV tratando pa minimalisá retraso den rekohementu di shushi di kas
Selikor NV ta partisipá, ku debí na sirkunstanshanan fuera di nos alkanse, ta eksperensiando algun retraso den e skema di rekohé shushi di kas. Konsekuensia di esaki ta ku tin algun bario ku no a haña servisio riba e dia kustumbrá.
Awe mainta a sali pa bai rekohé rutanan di djabièrnè. Ta e intenshon pa traha riba djasabra i djadumingu pa finalisá e rutanan di djaweps i djabièrnè, ku ta rutanan di kua no a alkansá yega e barionan en kuestion siman pasá.
Selikor ta pidi diskulpa na habitantenan di e barionan ku mester rekohé shushi riba djarason ku no a alkansá yega e siman akí. Nos ta konsiente ku e situashon aktual ta inkómodo pa kada habitante ku sigur ta eksperensiá ekseso di shushi dilanti di nan kas.
Selikor ta keda komprometé pa kumpli ku nos responsabilidat riba nos maneho di shushi. Nos diskulpa pa eventual molèster ku e retraso akí por a okashoná den e diferente barionan.
