KOMUNIKADO DI PRENSA
No. 2018/015
Selikor NV
Fecha: 30 di mei 2018
Tópiko:Kliente por keda trankil den kaso ku konstatá ku Selikor a bai ku nan kònteiner
Telefon: 434-1349/Faks: 465-6964
wèpsait: www.selikor.com
Kliente por keda trankil den kaso ku konstatá ku Selikor a bai ku nan kònteiner
Klientenan por ta trankil den kaso ku konstatá ku Selikor a bai ku nan kònteiner debí ku esaki a kai òf keda pegá den e trùk di shushi. Sa sosodé ku un kònteiner ta keda pegá òf ta kai den e baki di e trùk di shushi. Den e kaso akí e personal operashonal ta mèldu esaki na e shofùr i esaki na su turno ta nota e adrès i ta notifiká ofisina. Selikor na su turno ta atendé e kaso.
Na momento ku un kliente mes tambe konstatá ku ta e personal di Selikor pa un motibu òf otro a bai ku su kònteiner i por prueba esaki, semper por tuma kontakto ku Selikor. Selikor ta atendé tur kaso ku tin di haber ku servisio na kliente i ta tráta na sirbi e kliente lo mas korekto posibel. Durante oranan di ofisina por tuma kontakto ku departamentu Servisio na Kliente na telefon 434-1300.
