Selikor

KOMUNIKADO DI PRENSA
No. 2020/004

 

---

 

Selikor NV
Fecha: 6 di yüli 2020
Tópiko: Retraso den rekohementu di shushi di kas
Telefon: 434-1349/Faks: 465-6964
wèpsait: www.selikor.com

---

 

Retraso den rekohementu di shushi di kas

 

Gerensia ta partisipá ku, ketu bai Selikor NV ta eksperenshando algun retraso den su skema di rekohé shushi di kas. E personal di Selikor a traha den fin di siman riba djasabra i djadumingu pa trata na aliviá e situashon mas tantu posibel. Esaki lamentablemente no a logra den tur área i djaluna 6 di yüli lo sigui ku e trabounan akí.

Pa loke ta trata e ruta di djaluna 6 di yüli mes, lo rekohé esaki huntu ku e ruta di djamars 7 di yüli. Habitantenan ku tuma nota ku Selikor a pasa den nan bario pero no a bai ku nan shushi por tuma kontakto ku nos departamentu di Servisio na Kliente na 434-1300.

Gerensia ta pidi su diskulpa pa eventual inkonbeniensia ku e retraso akí por trese kuné i ta pidi su klientenan indulgensia i komprenshon.